星期四
返工，放工，回家大覺睡到明天。

星期五
返工，又一次遭遇被家長欺負。小朋友放學時，我提醒家長小朋友明天不用上學，因為家長明天要參加家長面談日。結果，一位家長特別向我不停地囉囉唆唆，『為什麼明天小朋友不用上學，通告又沒有寫清楚.....那麼誰來照顧他.....』我向她說不好意思，並解釋明天因為家長日的關係而有特別安排。她好不服氣，好像要遷怒於我，我感到被串，又委屈，又未能脫身，只好找來那小朋友的班主任來求救。黎老師十分利害，一走出來，大罵那家長：『媽咪，你有冇野呀，你個仔都高班啦，係呢間學校讀左咁多年，你唔係唔知家長日小朋友唔洗返學呀？你唔信你睇返以前的通告......』結果，那家長乖乖離開，不敢再發怨言。我終於明白人善被人欺的道理。我決定要學大膽d，因為原來老師係要有一定的power先可以壓場，唔怪得連小朋友都會蝦我啦~

星期六
本來我十分興奮期待今天放假，但是主任昨天突然叫我OT，因怕家長會人手不足。後來，我返學後一切正常，我又無需接見家長，只是躲在職員室工作，一邊跟一位新同事吹水，一邊做一些雜務，十分快樂，時間亦過得很快。放工，我還趕得及吃lunch，跟MONEY同德輝買了車仔麵一起吃。之後，我上基教班，見鄭姑娘帶病也趕回來，令我十分敬佩，很欣賞她那捨己為人的精神，完全不顧自己的需要(覆診後也趕回來一定很累)。不過，我寧願她多一點休息，也不想見她那樣辛苦。(她的丈夫一直在旁支持她，怪不得她能堅持教完一課基教班啦~)
晚上，我約了舊同事(CONNIE因病冇去，有阿鄧、阿白同陳陳)，去了老地方(佐敦NEWAY)。最開心是她們沒有忘記我生日(雖然過了，我絕不介意)，送了一件粉紅色的外套給我。多謝曬!!!!!! 極對唔係因為那份禮物，原來收禮物係好FEEL倒O個份心意，好正呀!!!!!!! 今天又得知CONNIE拍拖的消息，恭喜！恭喜！
約十時多，我準備跟舊同事散去之際，致電給cheap精，我說：『我現在準備離開，你們在那裡？』(我知道他們大伙兒在旺角逛街)我還未說完，cheap精即刻回應：『我們在吃東西，不過差不多吃完，我們很快就走，你不用來找我們....』後來，我就致電MONEY，她告訴我地址所在，我就去找他們，吹水左一陣就一齊回家。在巴士上，cheap精：『我一陣在美孚落車，你知架啦？』我話：『我冇諗過你送我喎！』cheap精立時呼出一口氣。(我猜他在想，鬆曬！你知我幾累架啦，好在唔洗送你回家，唔係真係想死。) 知道你累了，加油啦~ 工作是辛苦的，不過你係最勁既，冇野難倒你架，你係最型的！最型係你！