2005年1月18日(星期二)

本來，我覺得今日沒甚麼事情值得我記下來，如常返工放工，回家後一邊看電視一邊勁食零食。我覺得實在太無聊了，寫日記可以消磨一點時間。

今天，學校實行換鞋措施，兒童回校時一片混亂。主任早會時分享指部份老師知道學校實行特別措施也不提早回校協助，沒有付出愛心服務學校。我相信我是其中一份子，但我已經十分努力地提早了十五分鐘回到幼兒園。今天一整天，甚麼也沒有做，面對著很多瑣碎的工作(例如：欠一份會議記錄、校園一月季刊、大堂新年吊飾...)，真的不想做，我便躲進各班的課室中愉閒，跟老師們聊一聊、跟小朋友玩一玩，我還差點抱著一個小朋友睡著，真的浪費時間、浪費青春。這又激發我思想來年我在這間幼兒園的去留問題，我想在工作上有更多學習，我又怕辛苦，真矛盾！在現實環境中，我知我要不斷進修才能保著飯碗，但是一讀便要三年(晚間part time)，學費幾萬元一年。尋求神，轉工？進修？

現在已經十一時多了，為甚麼沒有來電找我。其實，我真係知你工作辛苦，我真係想體諒下你，不過，我又真係幾自私既...我會繼續為你祈禱，不過我都係繼續有小小不滿，但係ok啦，我明白的，默默接受啦。一首好搞笑的歌正反映我的心聲，『成日唔搵　成日唔緊　成日話見但見一陣態度唔同以前成個冷淡晒是但啦　算數啦　唔煩你啦　無人錫我啦再見啦　無野啦　實在夠啦　你唔愛我啦是但啦　算數啦　又話錫我　話咁快又變晒話我幾差再見啦　無野啦　完場啦　你唔愛我啦聽我講左咁耐　“乙水”下我亦唔得　淨係坐左係樹話我太多心等你等左咁耐　有無野同我講　淨係想聽多一次ＢＢ好愛你 』

成日都覺得好悶，其實我都算有好多朋友呀，不過就係懶得搵佢地，但係點解冇人搵我架！？！