2005年1月15日(星期六)

今天，我的上班班次是11:00-3:00，但我八點半便回校，我一心打算多OT幾小時，新年時便可以放補假(主任之前說的)。結果，我那麼早在學校出現，所有同事都感到非常奇怪，我解釋我的原因後，她們都笑我笨，又笑我太老實...後來我才知道，原來，主任當日的意思是暗示我們在工作時間紀錄冊上，填上OT的時數，而不是真的要OT。

今天因為有一件緊急的工作未完成，我4:30才放工，只剩下我一個人在OT。趕返教會團契，剛剛完了，不要緊吧，六時上基教班。之後，MONEY話落去食TEA，不過結果她沒有去。我基教班下課後，所有人都好似消失了，各有各忙。祥又因為工作唔見人、Money去了沙田看劇、小琪去補習、打機的去打機、拍拖的去拍拖.....我就覺得好悶好悶好悶！只好回家吧！結果，過了悶悶的一晚，不過都算是陪伴家人，有小小意義啦~

祥失蹤了一整天，音訊全無，有小小嬲(其實唔只小小，係好嬲好嬲，成日都係咁)，不過我知佢因為工作都好辛苦。結果我不敢嬲，都冇資格嬲。後來，佢同我分享了幾句便趕著收線，都知佢工作面對好大壓力，而且身心疲憊。我又幫唔倒佢，我唯一可以做的就是將佢交託予神。於是，我死唔斷氣要佢同我一齊祈禱先俾佢sleep。我好希望你o係工作上，唔好單單看重自己的能力，更體貼神的心意。我白明講就容易的道理，我自問自己都做得唔好，不過人的思想有限，能夠做的都有限，唯一能夠做的就是多親近神。我會努力為你祈禱！默默支持你。