原來忙碌中也能很喜樂！(學習忙裡偷閒)

過去一星期

每天不是放工後要返學，就是自己選擇OT，最早7:00PM才離開學校，回家已經十分疲倦。

星期五

本來5:00PM放工的我，OT至7:15PM才離開學校。

一踏出學校門口，收到祥的電話，他說在家中忙碌。

心?即時：噢！好失望呀，至少都一起吃一頓晚飯吧！(已經一星期沒有見面，祥星期六日又入CAMP)

算數！我沒好氣的回應他。(心裡其實好ANGRY)

「原來，你學校門外有個公園的。」

「下！你係邊呀？」(四處張望都沒有呀！你次次都欺騙我架啦，說了n咁多次話接我放學，一次都未試過！不過，我今次信你喎！)

我立刻bye bye同事，原來祥就躲在花叢中。ha ha ha ha....

「我已經坐在這裡等了你個多小時，這裡又大風又凍，我想去買點東西又不敢走開，怕你走了.......」<--太笨喇！咁又唔打電話俾我？雖然係扮可憐.......不過.......(嘩！實在超級感動呀！你對我實在太好喇！)

「你做野辛唔辛苦呀？..... 好喇！我獎勵你去supermarket買零食喇，任你買，只此一次，下不為例。」(下，我係咪發夢呀？我平時食小小零食都xxyhjsihdoqb......依家仲俾我任買，你唔只對我太好喇，你實在係超級極之非常好好好好呀！)

之後，我們去了富山supermarket，又去了荷里活廣場，食飯、看了一套超無聊的爛片(細心的祥說是笑片，給我relax一下工作的壓力)、買了一件紅色的nike衫。

「咁樣出一出街，嘩！洗左我成六七百元。所以我地一個月最多出3至4次街好喇！」(都話我來付錢啦，你又唔肯！)

星期六

返工，OT2個小時後，準時返團契。 : )

不過，雖然劉先生有很熱誠的分享，但我今天不大投入團契專題中。(發覺自己的專注力越來越低，可能由於夜晚返學習慣吃和睡，完全不懂得集中精神！連崇拜也 開始偷睡，以前從未試過如此的！所以........我現在終於明白為何小琪常常於崇拜時有渴睡的表現，原來因為她是學生！)

money不知是否不大開心呢？一時對著我笑，一時對著我嬲樣...... ( 我在意她的表情，anyway，我希望你開開心心！搵工搵成點呀你？sorry呀！我沒有時間關心你，不過我真的有為你祈禱，加油呀！我地一齊努力呀！你 有咩唔開心or有咩最消息記得第一時間tell me 喎！)

5:00pm完了團契，立刻趕往poly大學，跟創興影畢業相。sorry！要你等我！我們影不到幾張，已經天黑了！

後來，join了他的朋友──阿儀，我們三人一起到金鳳吃晚餐。

離開時，在地鐵踫見冬姑，跟她的舊同學──黃妙玲(校長)談了一會，原來她是我的前同事(二十年前在我校工作的，世界真細小！)