今日又有兩人問左我關於「你係咪結婚？」

「你係咪結婚？」
「你又知？........」
點解越來越多人知道架，第一時間，理性上告訴我──您真好，咁關心我，真的十分感謝您的慰問；同時，感性又告訴我──我咩都未confirm，可唔可以唔好問住呀，我自己覺得好煩喇~ 真係唔係太想答您住............

除此之外，忽然，我又有一個想法，其實我都好想立刻第一時間告訴我所有好朋友：「我結婚喇！」我都唔想聽到：「結婚咁大件事，都唔講我知架?????係咪唔當我係friend?????」sorry呀，我真係唔想您是從別人口中得知呢~ 但係可以點呢????? 不過，我真係當您是好朋友的！

諗多左喇..........又有一種想哭的感覺.......... 傻婆????? 你係咪低能架?????......... 我諗我係...........

唔該......... 求求您.......... 可唔可以唔好再提起「結婚」..........

請暫時不要再提起「結婚」

又講結婚？我覺得好煩呀......... 我又覺得好似有d壓力........

其實，我都唔知自己煩咩，又唔自己有咩壓力..........

總之，我就唔係好想諗，最好唔好問我住喇..........

我已經成日問人........ 結婚做d咩做d咩????? book d咩買d咩?????.......... 我都覺得自己煩..........係好鬼痳煩.........

「你結左緍之後打算住邊呢？」
「我地未plan，不過結婚又有一d開支，所以應該考慮租，遲d先睇都ok~」
心想：鬼知咩，租倒邊咪住邊囉，不過應該唔洗訓街啩...... 呢個又話買左樓，嗰個又話睇緊樓，買樓真係好d咩?????

「你開始book church未呀？要快d book喇~」
「知道~ 我地都開始緊book......」
心想：你估我唔想快d book到咩？book 倒先係架？church沒有消息，我地都冇辨法~ 雖然好朋友下年年尾先結婚，已經plan 緊 book church，相比之下我們真的好似太慢~ 不過，我真的好放心，神必定會為我們安排最合適的、最好的，我們的婚禮是為見證神........ 就算我們book的church不是最美麗的，也不是地點最方便的，咁又點？我知道他已經好努力去book的，thanks~ 很欣賞您的付出啊~

「你都係時候要開始做mask.......」
「啊~ 知喇~ 我都希望自己的皮膚可以改善一下的~」
心想：有邊個唔想自己的皮膚好d咩~ 係人都想做新娘時靚d，但係皮膚差，又勁樣衰.......我都唔想架~ 做mask同靚絕對唔係正比的~ 自問唔係靚女，絕對唔會因為忽然做mask就可以變靚囉~

「你千奇唔好俾咁大壓力自己呀，最緊要平常心處理結婚。我同事剛結婚，平時見佢都ok，不過她結婚那天是認識以來最樣衰的一天......... 可能因為她給自己太大壓力，結果滿面暗瘡，當天又化勁厚妝，又遮唔倒d暗瘡，勁樣衰..........」
「啊~ 希望做到啦~」
心想：講，真係好理想~ 不過可以handle倒的就唔係壓力啦~ 明明無野煩都會有壓力，點知啫？都唔知煩咩........ 我絕對極有可能是全世界最樣衰的新娘，又勁厚妝，皮膚又勁差......... hahaha....... 不過，我真的羨慕少英、connie、和周老師，自從我知道佢地結婚之後，我真的覺得佢地係越來越瘦，越來越靚的~ 點解佢地keep得咁好呢？我自問我一定唔得，但求當天不是全世界最樣衰的，小小樣衰都ok~

請暫時不要再提起「結婚」，希望我可以暫時忘記這些無形的壓力，這些無形的煩惱~

THANK YOU VERY MUCH~