愛情是甚麼一回事?

2007年12月30日(日)

下午3:00, 我相約了朋友仔一起返大陸........結果, 我陪他吃lunch, 他卻不停要上大便, 就足足一個下午了~ ha ha ha ha....... (記得下次約了我們, 別再飲太多酒了。)

結果, 我們沒有上大陸, 好不容易集齊友人們在上水的一酒家dinner~

愛情的奇遇........


一個外表踏實，具責任感的他，想不到的.........原來他是多麼風流灑脫呢! 記得幾個月前，我們舊同學聚會──吃火窩。那天晚上，我們跟火窩店的啤酒妹(當時仍是學生，做兼職)閒談幾句，本來以為是句號。原來，有下文............ 自那天晚飯後，他取得啤酒妹的電話，原來一直保持聯絡，短短幾個月極速發展了！他們經常遊車河拍拖，還一起返大陸，仲到酒店........... 嘩! 妹妹好似只得十九歲喎，唔讀書，仲諗住搬出來跟他同居。但是，他又點會甘心被人纏住呀？
「十九喎，都未夠細喎，十七八歲都ｏｋ！」(吓？咁都得，真的不明白男人在想甚麼。唔係認真，就唔好玩人啦........唉！)
「各取所需，好正常，根本沒有問題。」(為甚麼一定要靠男人呢？我始終覺得女人好蝕底。)



一個風趣幽默，高大有型，簡直是一隻沒有腳的小鳥，情塲浪子就是他吧！大學畢業，前途無限，目前的他怎會想將來呢? (我跟他年齡相約，但是男人真的可以無憂無慮，可以拍拍散拖，仲話「到三十五歲才考慮結婚的事都未遲。那時，應該會有較好的經濟基礎。」而身為女人的我，當然覺得唔掂啦，咩話？如果係女人，三十歲唔結婚都會覺得自己老啦~ )

想起他的說話(節錄部份如下)，我實在不禁笑出來，仲好覺得要帶佢返教會，令佢尋找一些做人的意義和目標。

「我忽然好想拍拖，覺得身邊需要有一個人。」(你唔係認真唔好害人地啦，女人青春有限。)
「唔知點解身邊好多女仔湧埋黎.........連新同事都鍾意我..........」(吓？你係咪自戀呀？雖然你條件好，但係咁花心都有人湧埋黎你度？女人係咪傻架，咁都得！)
「依家揀女朋友，我鍾意一d樣靚身材正的。之前，剛和一個咩都大的女仔拍拖(眼大、胸大.....)依家分左手，都覺得自己好衰，好似arc人地個body咁。」(咁都好，算你仲有點良知，都會知衰。)
「昨天，我舔左件十七歲，讀中四的女仔。最係要皮膚好，唔化妝都又白又滑。」(你都算勁！妹妹仔都唔放過，相差有冇十年呀？真的沒有代溝嗎？可憐的女孩子.........)



一個事業有成，成熟穩重，給我的感覺是專一痴情的他，原來都會話「 你呢個同事ok喎(看我的照片時)！不如，介紹俾我識啦~」哈哈哈............ 好呀~ 好呀~ (心想：有好女仔，除了介紹給我的春天好細佬外，一定預埋你。)

自外國留學歸來後，他在公司裡認識了一女子，因怕家人反對(女子的學歷不夠高，健康不夠好，個子不夠高........)，他們只能地下情發展，怎會不感到有壓力？結果，當然沒有好結果，女子決定離開。不久，他也漸漸能投入另一般感情，另一女子(各樣條件都好，最重要又得家人喜歡。)他們閃電戀愛，個多月已見雙方家長，連雙方家長都互相見面過了。連不是到談婚論嫁的階段？

晴天霹靂，天意弄人......忽然，那已經離開的女子突然跑回來，只是一見面，感覺便越來越強烈了；相反，他對閃電戀愛的女子當然越來越淡.........結果，他拒絕了後者，因家人反對的關係又不能與前者一起，好苦啊！那跑回來的女子怎樣呀？她因承受不了不能在一起的打擊，就病倒了兩個月，甚至不能工作.........



聽著你們的分享，還以為自己在看小說，實在精彩。再想一想自己，平凡應該是幸福的，曾經都想過追求一些驚天動地的戀愛，亦羡慕別人追求者無數，拍拖新鮮多彩......... 現在，我才發覺自己身在福中不知福。

那天晚上，他送我回家，在他的車上，他好奇的問：
「基督徒是否一定比較保守呢？」
「基督徒怎樣看婚前性行為？」

真的喜歡跟好朋友在一起, 大家輕鬆相聚, 談談說說, 無所不談, 感覺很close呀! 實在珍惜大家相聚的時光, 期待新年再聚。(如果可以的話，我希望你們都認識耶穌。)

聆聽態度與說話技巧

2007年12月16日(日)

前日, 我和他去街街, 真的千萬個sorry! 我真的知錯喇! 除了對不起, 我真的會好好的改過, 有賴你多多提醒我!

我發現我的最大缺點, 除了懶惰和貪睡外, 就是........... 最差的溝通對象。

「喂！...........」
「吓 !」
「你究竟在看甚麼呀？」
「咩呀？邊有呀.......」
「你明明不停在望住其他人, 有咩好望呀？我坐在你面前, 同你講左幾次.....你都唔應......」(噢! 真係激嬲佢喇! 佢唔發脾氣, 我都唔知咩事)

「sorry呀! 我剛才見人地冇位坐, 睇下......................................................」(仲解釋, 真係唔識死, 有錯都死撐。)

弊! 講真, 真係嬲! 最可怕的絕招, 不是恨恨的責罵, 也不是長氣的煩功............而是唔理你, 當你透明, 十問九唔應, 點tum都冇反應............

對不起! 我真的知錯了, 我明白被人忽略的感覺是不好受的, 但我真的不知道自己為什麼會這樣。

可能我自己營住自好好累好病, 又或者心不在然想著一些小事.......... 點都好, 怎樣也是說不過去的。

「為甚麼你經常給人的感覺是不專注的呢？」
「我也不知道。」
「你有沒有聽上次的團契週會, 那類人是最不受歡迎的溝通對象？」
(上次, 我的而且確是沒有返團契, 不過你已經跟我說過了一遍, 我知所有特徵我都有齊曬.......)
「我真的會努力去改, 你可以多多提點我嗎?」
(忽然, 我記起money都曾經提點過我, 我至今仍不以為然。)

我答應你們, 我會改過自新!!!!!!!!!!!

今天, 完了午堂後, 也完了兒童主日學練歌for聖誕聯歡表演, 我跟他上公司去取東西, 他的同事iris也在, 跟iris閒談了幾句~

「你星期日都返公司做野? 幾點返黎? 吃了早餐未?..........」(我超級無聊, 好似阻住iris做野咁, 心諗人地實覺得我好煩。)
「食左野喇! 返左黎一陣啦, 好多濕碎野想清埋佢......... 」
「咁你要做快d啦........ 我們走先喇, bye」

「嘩! 你咁講野?」
「咩呀? 我叫iris做快d, 唔好做咁耐, 快d返屋企........」
「即係咩意思? 佢可能會誤會你話佢做野慢, 所以叫佢做快d。一陣佢以為我成日係你面前話佢添呀, 我都冇。」
「唔係呀! 我絕對唔係咁既意思呀!我真係覺得佢好勤力, 好勁! 星期日都有mood工作, 不過唔想佢咁辛苦, 淨係掛住做野, 忽略左自己的休息和娛樂, 所以先叫佢做快d, 可以快d離開公司, 享受下私人時間。」

之後, 是一輪的說教時間：
「如果你呀媽叫你飲湯........................................................................................................................」

我明白了, 你真的好叻呀! 我好仰慕你!

偶像, 我會多多向你學習。

just a friend?

今天是2007年12月2日(星期日) 天氣: 晴 心情: 愉快

現在, 我不用教兒童主日學, 可以睡至早上八九時才起床, 返基教班, 午堂祟拜, 味美王吃午餐.......
之後, 我問他: 「今天我們去街好嗎? 」
「你約我呀?」
「係呀, 我約你去拍拖。」
「打一陣機得唔得呀?」
「好啦, 我去library等你。」
「好快, 等我一個鐘。」
「好..........」

點只一個鐘呀, 不過唔緊要啦! 起碼你仲記得我~ yeah~

之後, 我打算出深水步逛一逛, 幫學校買聖誕飾物作佈置。

忘了地址，我便致電友人詢問:「上次，你帶我去買聖誕飾物的店舖在哪裡?」
「在黃金電腦廣場附近。」
「啊！我應該知道在哪裡。」
「要不要我陪你一起去買?」
「不用了, 我同個friend一齊, 應該ok。」

唉~ 意想不到的大件事發生了, 足足長氣了一千萬遍............... 我知錯啦, 下次唔敢講錯野。

「friend? 我同你只係friend嗎?..........」
「下? 我一時口快啫。」
「你根本就係留一線.........」
「佢知我有男朋友喎。」
「你立刻打電話同佢講清楚, 我係你邊個........」
「唔洗呀?」

「我對你......... 只係friend..........」
「我同你只係friend, 你根本就係想...........」
「你自己返屋企啦, 我地係friend黎架咋..........」(好野, 結果真的沒有送我返屋企。)
「just a friend?..........」
.............
呵呵呵呵, 你真的太搞笑了！

哈哈哈哈.............. 你還是別對我太好了, 我怕我會愛死你！
我怎會不記得你給我的一個超級難忘的生日──浪漫的迪士尼之旅。
我怎會不珍惜你送給我的手提電話(已經是第三部了)。
我怎會捨得不每天戴著你送給我的生日禮物。
我怎會不把你掛在口邊呢~
我怎會心裡不滿載著你呢~
我怎會忘記你為我做的一切呢~
............ 呵呵呵呵

不過, 你今天又買了千幾二千元的東西給我, 太貴啦, 別寵壞我吧!

哈哈哈哈.............. 想著你, 我的心便甜了!