端午節假期

星期六
今天，中午留在家中做節。吃過飯後，我到荃灣剪髮。打電話給祥，剛巧他也在荃灣(從黃金海岸游泳出來)，同樣打算理髮。我們沒有相約，他到荃豐中心TOMMY那?，我到 JB。我1:30到達JB，3:00完成。時間剛剛好，團契相約3:15在MTR集合往小欖燒烤場。那時，祥還未完成，我沒有等他，他自行乘車前往。

今天，我們又BBQ又玩數字球 ，玩得很開心，直至9:00才離開。MONEY不在，總像欠缺怎麼似的。MONEY，你快點回來吧！我好掛住你呀！今天，收到MONEY從英國的來電，她總算一切平安，有得食有得訓，都安心D！

離開燒烤場後，時間尚早。我們乘的士往青衣，計劃去看戲「史密夫決戰史密妻」。不過，到達青衣城後，范子波竟然說不去。怎樣說他也沒理由不跟我們一起，沒錢？沒有戴眼鏡看不清楚？趕著返屋企？不想睇戲想唱K?(這是我幻想的)......... 我想來想去，我認為這通通都不算是合理的原因，我只覺得佢根本就唔當我地係FRIEND。好失望呀！真係有D唔開心！我們眼白白目送他離開，以我們的情面根本不能挽留他。阿儀即時有一個想法，就是：MONEY係度就好喇！如果係MONEY叫佢，可能都有小小機會留住佢。

咁你依家淨係同MONEY先FRIEND喇，過份！就算真係當你冇錢，我地呢D話做FRIEND的一定撐你，你又say NO！仲唔係唔當我地係FRIEND。我都唔明白點解次次你請人地就得，人地請返你小小都唔領情(係都要人地欠你)。我都欠你唔少啦，真係有小小唔好意思。你話冇帶眼鏡，我地今次都坐頭幾行啦，都不知幾清楚。我又覺得以波先生的性格，絕對唔會怕夜，通頂都得啦，沒理由趕著回家，何況時間尚早。仲有就算真係想唱K，都沒理由不提出，都話一定撐你........總之通通都是藉口，說來說去都是你不對，你沒理由不和我們去看戲！(MONEY呀，你返D返喇，幫我地主持公道。)