哈哈哈.......婚姻的期望

今天, 幸好因我近來冇咩mood, 發一發脾氣, 哈........ 他今天總算肯返團契, 但他以為三點半才開始, , 唔怪得遲到啦~

今天週會的主題很有趣啊~ 聲哥和kit姐分享婚姻和相處等, 之後, 仲開cell傾下對婚姻的期望...........

完結後, 華祥同我講：「都唔明白點解個個男仔都分享結婚後, 期望個老婆會日日煮住家飯, 咁不如請個工人???????」聽落幾arm聽, 不過佢點會咁好呢? 怕我辛苦? 唔洗我日日煮飯, 絕得冇可能!!!!!!!!!!!

接著他說：「其實何必要個老婆咁辛苦, 日日煮飯............ 煮那個辛苦, 食那個咪仲辛苦!!!!!!!!! 不如大家一齊出街食, 食完唔洗洗碗, 又仲好味..............」哈, 終於講出心底話了。衰人, 都未食過, 又知我煮得唔好食????太過份喇!!!!!!!!!!本來我都好有興趣玩下煮飯仔, 不過, 見你咁講, 哼! 我唔煮你個份喇!!!!!!!!!

說不出來的擔心和緊張

越來越近婚期, 我越來越擔心和緊張呀~

每次想起, 都是一大堆的籌備工作............... 很忙? 好像不是, 總是很多鎖碎事情辨不妥................

~confirm婚禮當日幫忙的人, 約食飯
~租衫, 姊妹衫
~聯絡化妝師
~排期登記結婚證書
~新居還未開始裝修 (人地出年年尾先結婚12月都可以收樓, 我就1月都唔知得未......)
~買傢俬/家電
~印帖, 邀請咭, 程序表
~遲了許多才向詩班申請獻唱, 心裏非常抱歉 (原來要半年前申請的)
~book花車
~教堂, 酒樓佈置
~confirm造花球, 手花, 襟花和插花
~聯絡當天的攝影師
~預計飲宴人數, 都唔知點預? 有些人真的不知請唔請......
~小禮物
~要做facial? 皮膚勁爆差, 成面暗瘡, 唔想見人......
~book機票/旅行團?
~買餅咭
..............................
..............................

數下數下, 原來距離2010年1月23日的日子都唔夠三個月......................

我真的很擔心, 請原諒我近來冇咩mood.................

如果依家話唔結婚得唔得呢???

2009年8月30日

好忙呀, 好忙呀........... 我總是覺得自己好忙, 又唔係好想積極去工作......... 剛剛有兩位同事辭職, 本來出年有個好partner一齊教高班, 有人share班務, 應該能輕輕鬆鬆, 但又好充實.........結果, 依家, 我都唔知自己係咩班的班主任? 所有新學期的預備工作, 又要重新再做了........... 嗚~嗚~嗚~

上星期, 接到好幾個電話留言, 「黃小姐, 你咩時間方便揀衫???」「黃小姐, 羅羅麗莎, 請回覆電話.......」「家計會, confirm預約時間........」hahahaha, 我全部都冇覆電話, 因為覺得好煩..........唔係好想理住, 不過, 我知如果我再唔去揀衫, 應該俾人hold住曬了......... 仲有, 我又諗起好似差不多要搞結婚排期、仲有confirm酒席圍數、book車、問詩班選歌............. 咁煩架~ 如果依家話唔結婚得唔得呢???

不過, 我都只不過係講下啫~ 星期六剛去探望一老朋友gloria的初生嬰兒, 她8月4日出世, 還未滿月, 細細粒, 好攪笑呀! 不停地哭, 一唱歌佢聽就眼定定咁望住, 又不停地食奶........... 忽然, 我都想生返個BB, 因為實在太CUTE啦, 不過生完同佢玩就得, 我一定唔會日日湊仔, 咁辛苦!!!!!!!!! hahaha......如果唔結婚, 生左仔先得唔得呢???

今天，我下午冇野做, 本來有諗過去看華祥踢波, 諗諗下, 咪玩啦, 又曬又熱, 我寧願返屋企開冷氣睡覺~ 忽然，諗起佢上星期用一羡慕的口吻跟我說：「xx (他一位好朋友的女朋友) 次次都去睇 xx 打波架，每當休息的時候，她都會立刻遞上水和毛巾，又幫佢抺汗...........」 我唔信!!!!!! 我一次都冇去過睇你打波 / 踢波咩??? hahahaha......... 唔係呀, 其實都有, 不過係順便看看就走~ 結果，我今日扮曬野同佢講：「好啦！今日等我陪你去踢波啦，最多我遞d水俾你飲，同埋幫你抺汗喇~ (嘩~ 我諗住都覺得好搞笑...........) 」我都未講完，佢已經忍唔住笑左出黎，唔該曬，我明白了！諗起都毛管棟~ hahahaha........... 後來，我安心回家小睡~

百感交集

這兩個星期以來, 我實在百感交集............ 現在回想起, 真的滿有神的恩典呢~

忙碌...........

在六七月中, 因為豬流感停課的關係, 我的工作由本來緊張和忙碌的忽然輕鬆下來~ 不過, 由八月一日開始, 忽然又復課, 學校的工作忽然又忙碌了~ 除了要回復班中的正常教學外, 又要與幼兒排練畢業禮的表演, 忙碌極了.....此外, 我們又要忙於預備畢業禮用表演道具和鎖碎的物資等, 只怪停課期間我們沒有好好把握時間去做, 還掛住和同事一起玩pictionary, 近一個星期超級忙碌呢~

疲累...........

因為忙於工作的關係, 我和同事已經OT了好幾晚了, 感恩的是我們不用留在學校過夜~ 放工回家後, 實在累得要死~ 有一天, 我更遲到了一個鐘返工~ (唉! 真的不知道為何? 八點半返工, 結果八點半先起身........結果, 我今年第一次返工遲到啊~ 失落了上年全年沒有遲到的勤工獎狀, 算吧~ 勤工又沒有獎金~)

期待.............

星期六的時候, 我滿懷期待返團契, 本來好想拿拿臨做曬d野便立刻返團契, 因為好想聽money個老細講關於十六型人格, 我覺得個題目好吸引........結果, 下午3:00了, 我的好同事宇文, 仍在努力工作中, 我實在不好意思不與她一起共同進退啊~ 當天, 6:30離開學校, 差點忘記了我們的組聚, 到游游文傑家中, 今次好整人呀, 有我, 小琪, 金華, 烱, 傑, 曹恆, 陸隻, 不過少了飛雲啊, 但加多了少英, 游游, 嘉欣和阿so~ 雖然好累, 但是我們玩pictionary都好開心, hahahaha, 仲食pizza hut食到好飽添~

新奇...............

上星期五, 第一次join physical做gym, 本來約了kate做高溫瑜珈, 好新奇呀, 好似好好玩~ 不過, 結果因為我OT, 九點幾才到達, MISS了, 真不好意思~ 後來, 我唯有玩下跑步機, 又玩下扭腰機, 又玩下唔知咩機...........hahahaha, 真的好新奇有趣, 下次再一齊玩過~

滿足...............

今天, 我們的畢業禮總算圓滿結束了, 各樣都算順順利利~ 十分欣賞我們同事們合作做出來的各樣佈置, 如：勁大的汽球公仔, 道具........幼兒的表現亦很好呢~ 有一點點滿足感呢~ 下年繼續努力!!!!!!!!!

放鬆................

終於鬆了一口氣, 心情輕鬆了~ 今晚可以有覺好訓喇~ yeah~

準備迎接新挑戰..............

明天又要繼續上班, 開始要好好結束這個學年, 迎接出來另一班孩子, 高班(好久沒有教高班了, 近幾年都是教兩三歲的bb, 迎接新挑戰, 有點緊張, 亦十分期待, 我希望一年比一年做得更好, 仍然能keep住對幼兒那股熱誠和愛心去教導佢地啦~ )

近況

2009年7月22日(星期三)

工作篇

學校因豬流感停課差不多個多月了，近來，照常返學的幼兒越來越多，教案報告等的文件做少了，但面對住永遠都精力充沛的孩子同樣叫人累透！(我想我是老了，也漸漸失去活力了，唔知我仲可以續繼做多幾年呢??????）

今年，學校暑假取消了，不過算啦~ 日日返學見倒D學生又幾開心，佢地實在太攪笑啦，又愛又恨！幼兒午睡時，我又跟校長和同事們一齊玩pictionary，十分清閒，好開心！

結婚篇

近來，我籌備婚禮的事情總算七七八八。結婚相影了，雖然看後沒有看別人的那種，嘩！好靚呀，完全唔似真人的感覺，不過，總算OK啦~ 但要成十月先有相拎，太遲啦！婚後的新居，已經有著落LU，我們打算住觀塘，勝在近我返工，十分滿意！雖然仲有好多濕濕碎碎的事情要辦，例如：試妝、租衫、造邀請咭、安排church的程序、約兄弟姊妹食飯、擬定請飲名單..............講真，真係幾煩，不過暫時唔諗住都ok, hahaha~ 還是努力儲錢，其實有錢已經解決了大部份的問題，單是影結婚相已經超出原來的預算一倍，我逐漸猜想到將會有更多超出想像的預算，都係申請定多兩張信用咭以備不時之需~

事奉篇

有時，我會覺得自己是忽冷忽熱的信徒，是因為我極之受身邊的人影響嗎??? 其實，每個人接受自己在靈命上有冷淡的時候，大家都有不同的藉口，當然我都不會例外啦！我還是要再努力，再踏前一步，讓火熱的生命挑旺一下自己！(生命是能影響生命的，今天在祈禱會中看見money一臉好不真誠的笑樣，hahahaha......忽然覺得在神裏面應該要喜樂的，那管自己有多累呢！) 又想起自己上星期第一次協助安排開cell內容，平時看似十分簡單的、大同小異的............原來，當自己有份負責的時候，(過程中，傾完又要再傾，改完又改，但自己都好像幫不上忙般~ ) 真的絕對不是想像中的輕易，也更體會一群職員、組長的辛勞和默默付出，真的十分感謝你們！

興趣篇

近來，我愛上了整甜品，在這停課期的幾星期來，我整了好幾次cheese cake，又整過海棉蛋糕，可惜每次都失敗(一d都發唔起，似餅多過蛋糕)，仲有桂花糕、綠茶布甸、木槺布甸、薑汁撞奶......... 原來整野食好好玩，好想跟朋友們分享，但成日都失敗點見得人呀??? 不如下次一齊整啦~ 我明天打算再整梳乎里和朱古力布甸，hahahaha..........整到一雪櫃都係甜品，但係冇人肯食，因為講真不是太好吃(失敗乃成功之母，我希望會有成功的一天！) 好想去書展逛一逛，順便買一點煮食的書籍，但係又冇人陪我去，算吧啦！

昨天心情勁差, 今後心情好轉吧~

2009年6月21日(日)

今天, 我們去了蒙羅麗莎影結婚相, 其實你又衰, 我都有唔好, 和好如初吧, 勁熱勁辛苦, 還是完成了, 尚算愉快的一天!!!! 真的非常感激攝影師RINGO, 攝影助理SIMON, 化妝師FAYE, 他們勁NICE勁專業, 講真他們仲辛苦過我地~

昨天, 我的心情勁差, 可能由於你對我不揪不睬, 加上生理不適(可能由於太緊張又疲累, 這兩天都要食PANADOL止住頭痛和肚痛.......)我怪你又不會體諒一下我呢~ 不過, 我現在明白原來你又嬲我呢~ (前日, 我真的好忙亂, 放工趕住返教會上基教班, 完了又飛的去參加畢業禮, 掛住影相, 之後, 大夥兒去食飯......跟MONEY坐車回家途中, 太累只顧休息, 回家後, 可能因太肚餓然後又食得太飽, 腸胃不適, 完全冇MOOD.......)總之, 講到尾, 是我忽略了你, 沒有致電你, 令你擔心, 是我錯了~

就算是我不對, 你都無理由又咁對我架~ 已所不欲勿施於人!!!!! 你已經連續三個星期沒有返團契, 上星期明明答應了我, 又一次欺騙我, 好SAD........ 以後, 我點知你會唔會次次都欺騙我呢?? 叫我點信任你喎~ 諗下諗下, 加上你那不在乎的態度, 心情越來越差......

團契, 週會內容是《可能》讀書分享, 問題SET得好好, 人少少但都好enjoy (我, 金華, 六隻和仙姐), 完了後, 趕去做facial和彩光脫毛(好驚呀~), hahaha...... 之後, 我又趕返去參加晚堂崇拜, 可惜遲到了, 完了後致電你, 但你仍然唔理我, 仲埋怨我唔同你家人食父親節飯~(你又唔預早通知, 你知道我已經好趕忙嗎? anyway, 我now明白你亦是失去了預算, 所以先返唔倒團契, 又要陪家人食飯~ 其實你都好辛苦~)

晚上回家了, 超級疲累啊, 但你仍然唔tum返我, 你好野!!!!! 你真係好大膽呀~ (你從來都未試過咁大膽的, 就算我幾衰, 你都唔會失踪......) 我終於忍唔住, 哭了起來, 心裡想, 千奇唔可以喊, 因為明天要影結婚相, 眼腫腫點影呀? 但真的控制不了自己啊....... 我唯有逼自己立刻去睡吧, 甚麼都別多想了.......一邊想：佢咁衰~ 我唔結婚喇~ 明天也不要拍結婚相了........想下想下, 我睡著了, 枕頭也濕了~ 結果, 整晚都睡得不好, 如此貪睡的我半夜竟然醒了, 靈修片刻, 從神那裏得著極大的安慰──別老是要求別人, 自己呢? 我知道我亦有不對呢~ 我亦開始體諒你其實都好唔舒服, 你亦累了, 又要你擔心我了~ 忽然, 我身心靈都抒懷了, 於是, 我從冰箱中拿來一個冰袋, 敷在眼睛上, 安心地睡到天亮了~

你話：一人一次, 算數吧~ 我話：好啦, 只此一次~ 心想：你一次我好多次, 亦算數吧, 這才算是公平呢~

影結婚相

昨天 2009年5月28日(四) 端午節假期

早上, 我和仔仔九點十五分到了羅浮宮影結婚相, 好搞笑又好累的一天.............

感恩的是上午竟然沒有下雨, 拿拿臨影了外景, 之後, 便下雨了......... 下午, 影室內景, perfect!!!!

好嘔呀~ 攝影師經常說：「新郎，你可唔可以擺個最型的post?? ....... 兩位，笑下啦!!!! ...... 老公，你雙眼精神d!!!.......」「唔該老婆企過黎呢邊，唔該老婆望去哪邊........」(但我經常沒有反應，吓??? 原來叫緊我??? 唔好意思, 唔係好習慣叫我做老婆囉~)

我就經常說：「嘩！好嘔呀！不過，放心附近冇熟人....... 好假呀！........唔識扮個cute樣喎.......笑左啦.......」

佢就經常說：「影咁耐架......... 影完宋呀?走得未呀?.......... 好累呀.......... 其實那些model好勁, 點可以影得咁自然架?.......... 」

結果，9:00影到6:00，人都顛!!!!!! 影得咁辛苦，唔加相對唔住自己喎，加相對唔住銀包......點算??????? 唔通正如connie所說，加相都要成$10000......... 噢~ no~